Om God se wil te doen is 'n prioriteit, 'n hartstog en 'n strewe in elke ware Christen se lewe; dit kan nie anders nie.
Hierdie begeerte vloei voort uit God se herskeppingswerk in ons. Wanneer die Here Sy wette op jou hart skryf, plant Hy daarmee saam die verlange om Sy wil te doen. Tog hoor ons dikwels gelowiges sukkel om God se wil vir hulle lewe te onderskei. In die boek word 'n aantal basiese vertrekpunte en praktiese riglyne gegee in 'n poging om gelowiges deur die doolhof hedendaagse leringe, resepte en bygelowe oor hierdie saak te begelei.

Met sy praktiese aanslag wys Nico Van Der Walt hoe om God na bo, na binne én na buite te dien.
Die lewe in die voetspore van die Here Jesus is en bly 'n weergalose avontuur. Die Here wil ons elke dag gebruik as sy medewerkers. En watter groter vreugde is daar as om vrug te dra in Sy koningryk! 'n Lewe tot God se eer en volgens Sy wil is ook binne jóú bereik. Leef net...